Pradhan-Mantri Mudra Loan Yojna Kya Hai? Isse 10 Lakh Loan Kaise Paye

4
Pradhan mantri mudra loan yojna se bahut se logo ko aapne bussiness ka start-up  karne ka shandar moka mila hai. Iss yojna k karan kaafi log bina kisi gurantee or mortgage se 10 lakh tak ka loan kam interest par pa rhe hai. Abhi bhi bahut se logo ko iss yojna ki jarurat hai,par unhe pta nahi hai ki “kese iss yojna ka labh le??” or “kaha se apply kare??”

 

Iss post me aapko “pradhan-mantri mudra loan yojna” ka labh kese uthaye iss baare me puri jankaari milegi. Mera naam hemant kumawat hai or mea TechMistri.com ka founder hu. Toh chaliye apne topic ki traf badhte hai. Jisme aapko pradhan-mantri mudra loan yojna k kuch important swalo k jawab detail me milege.

Pradhan-mantri Mudra loan Yojna kya hai?

Pradhan-mantri Mudra Yojna ki shuruat 8 april 2015 ko hui thi. Iss yojna k dwara desh k chote se lekar badhe bussiness-man or yuvao ko apne karobar ko badhane k liye govenment dwara loan uplabdh karwane ka prayash kiya gya hai. Jiske karan desh mea rojgar badhega or government ka local bussiness ko badhanne ka target pura hoga. Iss yojna ko central-government k under rakha gya hai,jisse se desh k kone-kone se logo ko fayda mile.

Kyu Pradhan-mantri Mudra loan Yojna dusre loan se diffrent hai?

Pradhan-mantri Mudra yojna k kuch fayde hai,jo isse dusre bank loan se jyada fayda pahuchati hai. aapko hum yahaa 4 badhe fayde iske bataa rhe hai.

1) Property or Gurantee ki jarurat nahi:-
sabse pehle to aapko iske liye koi gurantee nahi deni padhti. Simple word mea kahe,toh aapko iss loan k liye kisi properly ko girvi nahi rakhna padhta. Isliye bahut se logo ko iss seva ka labh milega,jinke pass kuch property nahi hai,unke liye yah loan paane ka badha chance hai.

 

2) Minimum Interest:-
Iss loan ka interest (Byaaj) dusre bank loan se kam hai. Yaani aapko iske liye kam interest chukana padhega. Interest loan k hisaab se alag-alag hai,parntu average interest 12℅ k aas-pass hai.

 

3) 10 Lakh tak ka loan aasani se:-
 Pradhan-mantri mudra loan yojna se aasani se 10 lakh tak ka loan koi bhi aasani se pa sakta hai.. Iske alawa kam amount ka loan bhi le sakte hai. Loan amount k teen alag-alag plane hai,jinke baare me aapko niche btayege.

 

4) Mudra card bhi milega sath:-
Pradhan-mantri mudra yojna se har ek iss yojna se judhne waale vykti ko mudra-card milega. Jisse 10℅ tak ka loan amount ka istmal iss card se desh k kisi bhi ATM me kar sakte hai

Type of Mudra Loan:-

Pradhan-mantri Mudra Loan Yojna 3 prakar ki hai. Jisse Loan liye amount k hisaab se bata gya hai.
1) Shishu Loan:-
Shishu loan k under aap 50 hazar rupey tak ka loan iss yojna se paa skte hai. Yah iss yojna me kam amount k loan chahane waalo k liye hai.

 

2) Kishor Loan:-
Kishor Loan k andher aap 50,000 rupey se 5 lakh tak ka loan le skte hai.

 

3) Tarun Loan:-
Pradhan-mantri loan yojna ka sabse bdha plane Tarun Loan ka hai. Jisme aapko 5 lakh se 10 lakh tak ka loan paane ka pravdhan hai

Kon-kon Iss yojna se loan le skta hai?

Iss yojna se har ek sadhran vykti loan pa skta hai,par loan ka istmal har jagah nahi kiya ja skta Matlab ki yah yojna sirf bussiness-loan hai,yaani kisi dukan, beauty parlour, Factory jese bussiness ko shuru ya badhane k liye yah loan milega.

Iss loan ka istmal kheti ya padhai ya home loan ki trah istmal nahi kar skte. Loan k len-den k smay bank ko apne bussiness ka pura beura dena padhega. Iske alawa kuch Document bhi loan lene waale vykti k pass hone chahiye

Loan ke liye apply karte samay jaruri Document-

1) Sbse phele toh loan k liye apply karne waala vykti indian hona chahiye. Person verification k liye aadhar-card, identity-card, driving-licence, passport ya fir voter-ID card me se ek ka hona jarurui hai.

2) Iske alawa apply karte smay Do passport size recent photo pass honi chahiye.

3) Ager koi ST,SC ya OBC se hai,toh unhe apna caste-certificate bhi dena hoga.

4) Last, me sbse jaruri apne bussiness or jiss liye loan k liye apply kar rhe hai,uska pura beuora hona chahiye. Yaani,kitni investment,kitna profit, tax detail se lekar dusri bahut si jaankari bank ko dena important hai

Mudra Loan ke liye apply kaha kare?

Mudra loan k liye aaply karne k liye sabse pehle aapko upper btaye document ko teyar kar le. Uske baad apko apne aas-paas ki bank-branch se jankari leni hogi,kya vah mudra-loan deti hai ya nahi.

Sabse pehle aap SBI bank me jaaye,kyuki jyadatar SBI bank branch iss seva ko de rhi hai. Iske alawa gramin bank, PNB ,HDFC jesi bahut si bank bhi mudra loan de rhi hai.

Mudra Loan ke liye apply kaise kare?

Sabse pehel aap bank se loan k baare me puri janakari lele. Bank se kitna interest or kitne samy tak loan pay karna hai,iss par jyda dhyaan rakhe or apne loan plane ko samjhe.
Fir, bank se loan form le or bank dwara ki gyi loan document ki mang ko pura kare.
Document na hone par,unki pehle purti  kare fir hee loan ka aavedan de.Iske alawa ager GST k under bussiness aa rha ho,toh GST nunber bank ko jaruar de.

Loan ke baare me or janakri kaha se le?.pradhan mantri mudra loan yojna contact number

Ager aapko Pradhan-mantri Mudra Yojna k baare me or janakri chaahiye,toh aap Mudra loan yojna ki offical sites par jaaye or ager aapko kuch or help chahiye,toh aap Mudra Yojna k inn helpLine number par contact kare.Iske alawa karibi bank se aapko bahut kuch jaankari iss yojna k baare me mil jayegi..

Conclusion:-

Hme umeed hai,Ki aapko Pradhan-mantri Mudra loan Yojna k baare me shuruati jankaari mil gyi hogi . Ager aapko kuch bhi sawaal ya sujhaav ho,toh humse comment mea jarur puche.Iske alawa ek baar meri Site TechMistri.com par iss prakar ki jankaari k liye jarur visit kare..

4 COMMENTS

LEAVE A REPLY

Please enter your comment!
Please enter your name here